ئه‌وه‌ی له‌باره‌ی واتس ئه‌په‌وه نه‌تزانیوه
+ كۆمپانیای واتس ئه‌پ له ساڵی 2009 له‌لایه‌ن دوو كارمه‌ندی پێشووی ماڵپه‌ڕی یاهووه‌وه دامه‌زراوه، كه ئه‌وانیش هاوڵاتی ئه‌مه‌ریكی بریان ئاكتۆن و ئۆكرانی جان كوم بوون.
+ له ساڵی 2014 مارك زوكه‌ربێرگ دامه‌زرێنه‌ر و به‌ڕێوه‌به‌ری جێبه‌جێكاری فه‌یسبووك ئه‌م كۆمپانیایه‌ی به‌بڕی 19 ملیار دۆلار كڕی.
+ واتس ئه‌پ تیمێكی 55 كه‌سی به‌ڕێوه‌ی ده‌بات كه 32 كه‌سیان ئه‌ندازیارن، هه‌ر یه‌كێك له‌مانه له 22 ملیۆن به‌كارهێنه‌ری به‌رنامه‌كه به‌رپرسه.
+ سه‌رباری سه‌ركه‌وتنه‌كانی، به‌ڵام له‌وكاته‌وه‌ی دامه‌زراوه، كۆمپانیای واتس ئه‌پ یه‌ك سه‌نتی نه‌داوه به ریكلام.
+ ژماره‌ی ئه‌و نامانه‌ی رۆژانه له‌سه‌ر واتس ئه‌پ ئاڵوگۆڕده‌كرێن، چوار ئه‌وه‌نده‌ی ژماره‌ی دانیشتووانی گۆی زه‌وییه.
+ دامه‌زرێنه‌رانی ئه‌م به‌رنامه‌یه جه‌خت له‌وه ده‌كه‌نه‌وه كه له‌پێناو سه‌رخستنی به‌رنامه‌كه‌دا، به‌هیچ شێوه‌یه‌ك ئه‌م به‌رنامه‌یه ریكلام یان یاری یان هه‌ر هۆكارێكی تری فێڵاوی له‌خۆ نه‌گرێت.
+ پاش ئه‌وه‌ی ژماره‌یه‌كی زۆر له‌به‌كارهێنه‌رانی ئه‌م به‌رنامه‌یه بێزارییان له‌تایبه‌تمه‌ندی "هێما شینه‌كه" ده‌ربڕی كه كاتی خوێندنه‌وه‌ی نامه‌ی نێردراو پیشان ده‌دات، واتس ئه‌پ به‌په‌له به‌ده‌م بێزاریی به‌كارهێنه‌ره‌كانییه‌وه چوو و تایبه‌تمه‌ندییه‌كی نوێی بۆ زیادكرد كه له‌ڕێگه‌یه‌وه به‌كارهێنه‌ران ده‌توانن ئه‌و نیشانه شینه بووه‌ستێنن، به‌ڵام ئه‌م تایبه‌تمه‌ندییه نوێیه تایبه‌ته به به‌كارهێنه‌رانی ئه‌ندرۆیدو ئه‌پڵ ناگرێته‌وه.
+ له‌ئێستادا به‌كارهێنه‌رانی واتس ئه‌پ ده‌توانن ئه‌و به‌رنامه‌یه له‌سه‌ر كۆمپیته‌ریش به‌كاربهێنن.
+ كۆمپانیاكه تائێستا به‌ڕه‌سمی واده‌ی زیادكردنی تایبه‌تمه‌ندیی په‌یوه‌ندیی ده‌نگی دیاری نه‌كردووه هه‌رچه‌نده هه‌ندێك باس له‌وه ده‌كه‌ن كه ئه‌و خزمه‌تگوزارییه له‌لایان ده‌ركه‌وتووه.
سه‌رچاوه: express.co.uk
ئه‌وه‌ی له‌باره‌ی واتس ئه‌په‌وه نه‌تزانیوه
Reviewed by hjuyuj
on
12:17 ص
Rating:
Reviewed by hjuyuj
on
12:17 ص
Rating:
