ئه‌پڵ كاتژمێره زیره‌كه‌كه‌ی خستە بازاڕەوە
له ژێر سه‌ركردایه‌تی (تیم كوك) یه‌كه‌م به ڕاشكاوی هۆمۆسێكسواڵی به‌ڕێوه‌به‌ری گه‌وره‌ترین كۆمپانیای ته‌كنه‌لۆجی له جیهاندا، ڕۆژی هه‌ینی ١٠ی نیسانی ٢٠١٥، كۆمپانیای ئه‌پڵ، ده‌رگای فرۆشگاكانی له‌به‌رده‌م كڕیاران و هه‌وادارانی كاتژمێره زیره‌كه‌كه‌ی كرده‌وه".
سه‌ره‌رای ئه‌وه‌ی كه كۆمپانیای ئه‌پڵ ده‌رگای فرۆشگاكانی له‌به‌رده‌م كڕیاران و هه‌وادارانی كاتژمێره زیره‌كه‌كه‌ی كرده‌وه، به‌ڵام كڕیاره‌كان ناتوانن له فرۆشگاكه بیكڕین، به‌ڵكو ته‌نها له ڕێگای ئۆنلاینه‌وه ده‌فرۆشرێ ئه‌مه‌ش وێرای ئه‌وه‌ی كه پڕۆسه‌ی ناردنه‌كه‌ی، چوار تا شه‌ش هه‌فته ده‌خایه‌نێت بۆ ئه‌وه‌ی كڕیاره‌كان به‌ده‌ستیان بگات، جگه له‌وه‌ش بۆ هه‌ندێك مۆدێلی وه‌ك كاتژمێری ستیل، نزیكه‌ی دوو مانگ چاوه‌ڕوانی ده‌وێت تا به‌ده‌ستیان ده‌گات".
كۆمپانیای ئه‌پڵ، ئاماژه‌ی به‌وه نه‌داوه كه پێشبینی فرۆشتنی چه‌ند كاتژمێر ده‌كات، به‌ڵام شاره‌زایان پێشبینی ده‌كه‌ن له‌یه‌كه‌م ساڵدا ئه‌و ئامێره نوێیه‌ی ئه‌پڵ، نزیكه‌ی یه‌ك ملیۆن تا دوو ملیۆن دانه‌ی لێبفرۆشرێ ئه‌مه‌ش به‌راورد به‌وه‌ی كه ته‌نها له‌چه‌ند ڕۆژیكی هه‌فته‌ی یه‌كه‌می فرۆشتنی مۆبایلی ئایفۆن شه‌ش و ئایفۆن پڵه‌س، كۆمپانیای ئه‌پڵ زیاتر له 10 ملیۆن دانه‌ی لێفرۆشرا، هه‌روه‌ها له ماوه‌ی سێ مانگی كۆتایی ساڵی ڕابردووشدا زیاتر له هه‌فتا و چوار ملیۆن مۆبایلی ئایفۆن شه‌ش و ئایفۆن پڵه‌سی فرۆشتووه".
هه‌رچه‌نده كاتژمێره زیره‌كه‌كه‌ی كۆمپانیای ئه‌پڵ، داهێنانێكی گه‌وره‌ی له بواری ته‌كنه‌لۆجیای به‌به‌ركرا كه ڕاسته‌وخۆ له‌سه‌ر جه‌سته‌ی مرۆڤه‌كانه، به‌ڵام ئه‌مه یه‌كه‌م كاتژمێری زیره‌ك نییه،به‌ڵكو چه‌ندین كۆمپانییای تری وه‌ك، گوگل و سامسۆنگ ماوه‌ی چه‌ند ساڵێكه، كاتژمێری زیره‌كیان به‌رهه‌مهێناوه".
سه‌ركه‌وتنی كاتژمێره زیره‌كه‌كه‌ی ئه‌پڵ به‌نده به ئاستی ڕه‌زامه‌ندی به كارهێنه‌ره‌كانیه‌وه، له كاتێكدا پاتری مۆبایله‌كه‌ت ته‌نها تا نیوه‌ی ڕۆژی كاره‌كه‌ت بڕ ده‌كات و پێویسته دووباره شه‌حنی بكه‌یته‌وه،كه‌واته به هه‌بوونی كاتژمێری زیره‌ك، كێشه‌یه‌كی دیكه‌ت بۆخۆت زیادكردووه چونكه هه‌موو ڕۆژێك پێویسته پاتریه‌كه‌ی شه‌حنبكه‌یته‌وه".
جێی ئاماژه‌یه نرخی ئه‌م كاتژمێره زیره‌كه‌ی ئه‌پڵ له نێوان سێ سه‌دو 49 دۆلاری ئه‌مریكیه‌وه تا 17 هه‌زار دۆلاری ئه‌مریكییه".
ئه‌پڵ كاتژمێره زیره‌كه‌كه‌ی خستە بازاڕەوە
Reviewed by hjuyuj
on
2:50 م
Rating:
Reviewed by hjuyuj
on
2:50 م
Rating:
