سه‌یدسادق: ئۆتۆمبێلێك له‌ گه‌راجی‌ ماڵێكدا ده‌سووتێنرێت

دره‌نگانێكی‌ شه‌وی‌ رابردوو له‌ گه‌راجی‌ ماڵێكدا له‌ قه‌زای‌ سه‌یدسادق "به‌ده‌ستێكی‌ نادیار ئۆتۆمبێلێكی‌ هاولاَتییه‌ك له‌ جۆری‌ تویۆتا لێگزس ده‌سووتێنرێت" .

حاجی‌ جه‌لال ساڵح خاوه‌نی‌ ئۆتۆمبێله‌كه‌ راگه‌یاند: "دره‌نگانێكی‌ شه‌وی‌ رابردوو له‌لایه‌ن ده‌ستێكی‌ نادیاره‌ و له‌ژێر ده‌رگای‌ حه‌وشه‌كه‌مانه‌وه‌ به‌نزین رژێنراوه‌ته‌ ژووره‌وه‌ به‌ ئاراسته‌ی‌ گه‌راجی‌ ئۆتۆمبێله‌كه‌م، دواتر ئاگری‌ پێوه‌نراوه ‌و ئاگ‌ره‌كه‌ گه‌یشتووه‌ته‌ ئۆتۆمبێله‌كه‌م و ته‌واوی‌ ئۆتۆمبێله‌كه‌م سووتاوه‌" .

وتیشی‌ سه‌رله‌به‌یانی‌ ئه‌مڕۆ دووشه‌ممه‌ له‌ پۆلیسی‌ سه‌یدسادق سكالاَی‌ یاساییم تۆمار كردووه‌، به‌لاَم گومانیشم له‌ كه‌س نییه‌.