به‌هۆی نامه‌یه‌كی "رۆمانسییه‌وه‌" ژنه‌كه‌ی ته‌ڵاقدا

له‌ سعودیه‌ پیاوێك ژنه‌كه‌ی له‌سه‌ر ناردنی دیمه‌نێكی كورتی ڤیدیۆیی ته‌ڵاقدا.

ماڵپه‌ڕی زاویه‌ بڵاویكرده‌وه‌، ئه‌و ژنه‌ به‌مه‌به‌ستی فریودانی مێرده‌كه‌ی دیمه‌نێكی كورتی بۆ مۆبایله‌كه‌ی ناردووه‌ كه‌ په‌نجه‌ی قاچی تێدا پیشانداوه‌. له‌به‌رامبه‌ردا مێرده‌كه‌ی له‌بری وه‌ڵامدانه‌وه‌ی رۆمانسییانه‌ی ئه‌و كاره‌ "رۆمانسییه‌"ی ژنه‌كه‌ی، ته‌ڵاقیدا.

هه‌رچه‌نده‌ ژنه‌كه‌ زۆر داوای لێبوردنی له‌ مێرده‌كه‌ی كردووه‌ و پێی وتووه‌ كه‌ له‌و رێگه‌یه‌وه‌ ته‌نیا ویستویه‌تی خۆشه‌ویستی و پابه‌ندبوونی خۆی بۆ رابگه‌یه‌نێت به‌ڵام ئه‌و پیاوه‌ پۆزشهێنانه‌وه‌كه‌ی قبوڵ نه‌كردووه ‌و ئه‌و كاره‌ی ژنه‌كه‌ی به‌ سوكایه‌تییه‌كی گه‌وره‌ بۆ خۆی داناوه‌.

له‌لایه‌ن خۆیه‌وه‌ خێزانی ژنه‌كه‌ش له‌هه‌وڵێكدا بۆ به‌رگرتن له ‌ته‌ڵاقدانی كچه‌كه‌یان ده‌ستیان وه‌ردایه‌ كێشه‌كه،‌ به‌ڵام هیچ سودی نه‌بوو.

له‌ عه‌ره‌بییه‌وه‌: والی عه‌لی
سه‌رچاوه‌: mz-mz.net